Einhliða fréttaflutningur MBL - Gyðingar og Palestínumenn

Það er næstum því óþolandi að hlusta á fréttir sem eru einhliða og birtar gagnrýnislaust í blöðum.

Það er að sjálfsögðu ekki neitt sem réttlætir morð á fólki, sér í lagi er óhugnanlegt þegar saklaus börn eru drepin. Þá hegðun fordæmi ég afdráttarlaust.

Hins vegar geri ég athugasemd við alvarlega villu í meðfylgjandi frétt og dæmigerða stríðslýgi Amal Tamini sem tjáir sig sem fulltrúa Palestínumanna á Íslandi.

Hún segir meðal annars: ,,Ísraelar vilja útrýma Palestínsku þjóðinni." Þetta er ekki rökstudd fullyrðing og á sér ekki heimild í neinni yfirlýsingu Ísraela. þetta er í mesta lagi fullyrðing byggð á tilfinningum í miðju stríði. Það sem er hins vegar staðreynd er að sá pólitíski flokkur manna sem réttilega var kosinn í lýðræðislegum kosningum í Palestínu hafði það lengi vel efst á stefnuskrá sinni að útrýma Ísraelsmönnum. Það er heldur ekki tekið fram að þessi sömu aðilar sem Amal Tamini er að verja hafa stundað það í langan tíma að senda sprengjuflaugar inn í Ísrael og drepið og slasað fjölda manns. Þessi samtök er Amal Tamini að verja.

Mín skoðun er sú að bæði Ísraelsmenn og Palestínumenn hafi framið stríðsglæpi sem ber að fordæma. Yfirburða vopnavald Ísraela gerir það að verkum að menn eiga auðveldara með að taka afstöðu með Palestínumönnum. 

 Morgunblaðið ætti að sjá sóma sinn í að birta ekki einhliða órökstuddar fréttir, byggðar á dylgjum og tilfinningasemi. Það hefur sýnt sig um víða veröld undanfarna daga að rasismi og ofbeldi hefur aukist, sérstaklega á vesturlöndum, að hluta til vegna einhliða fréttaflutnings af þessu óafsakanlega stríði.

 

Vilja útrýma Palestínumönnum

Athugasemdir

[Halldor (IP-tala skráð) 16.1.2009 kl. 15:50]

Eg hef stundum lesið siðu Amal Tamimi og greint þar gyðingahatur en henni virðist afar illa við Israelsmenn og gyðinga. Auk þess er hun i felagi muslima en maður hefur heyrt að gyðingahatur se boðað a fundum felagsins i Armulanum. Þvi væri allt eins eins hægt að spyrja nasistaforinga hvað honum þætti um Israel. Frettin er vond og það væri agætt ef morgunblaðið tæki næst viðtal við einhverja aðra en ofstækisfullann palestinuaraba.

[Hákon Einar Júlíusson (IP-tala skráð) 16.1.2009 kl. 15:56]

Kynnið ykkur Zionisma og um hvað hann snýst, þá fattiði kannski um hvað hún er að tala.

[Jón Helgi (IP-tala skráð) 16.1.2009 kl. 15:57]

Einhliða, ríkisrekið fjöldamorð fer ansi langt í að réttlæta fréttaflutning af þessu tagi.

Og þar að auki er það barasta þvæla að almenningur í Ísrael vilji eitthvað annað en útrýmingu palestínumanna á Gaza.  Þær skoðanakannanir sem hafa spurt þeirrar spurningar hvort það sé þess virði að drepa alla palestínumenn á Gaza ströndinni til að geta lifað í friði í Ísrael sýna að meirihluti Ísraela finnst það allt í lagi.

Þeir eru, eins og þú, fórnarlamb áróðursvélarinnar sem kæfir alla réttláta og rökrétta umræðu um þessar hörmungar.

[Halldor (IP-tala skráð) 16.1.2009 kl. 15:57]

Laissez, Hamas hafa 76 af 132 sætum i "palestinu". Meirihluti Palestinumanna styður þvi islamista samtokin.

[Eva Hauksdóttir (IP-tala skráð) 16.1.2009 kl. 16:08]

Það þarf engar yfirlýsingar til að hugsandi fólk átti sig á markmiðinu þegar þúsund manns liggja í valnum og jafnvel er ráðist á mannvirki Sameinuðu Þjóðanna. Að bera það saman við heimilisföndrið sem Palestínumenn hafa notað til andsvara við gengdarlausri kúgun og ofbeldi er beinlínis heimskulegt.

Ég var á Vesturbakkanum í 2 mánuði árið 2007. Ég hitti marga sem styðja Hamas en aðeins einn þeirra getur kallast öfgatrúarmaður. Almenningur í Palestínu styður Hamas vegna þess að það er eini flokkurinn sem heldur uppi virkri andspyrnu en ekki vegna þess að þorra fólks hugnist trúaráhersla þeirra.

[Hafsteinn (IP-tala skráð) 16.1.2009 kl. 16:21]

Hún hlýtur að hafa ruglast, það sem hún átti eflaust við var að Hamas vill útrýma Ísrael og reyndar öllum gyðingum ef því er skipta. Allt frá stofnun Hamas hefur það verið aðalbaráttumál þeirra að útrýma Ísrael, það er meira að segja skráð sem lykilatriði á opinberri stefnuskrá þeirra.

Ástæða þess Hamas og Fatah samtökin eiga í illvígum deilum er einmitt sú að þau síðarnefndu eru reiðubúin að viðurkenna Ísrael sem ríki ef það leiðir til friðar, slíkt fer að sjálfsögðu í taugarnar á mönnum sem dreymir um heim án gyðinga.

Ég viðurkenni að viðbrögð Ísraels við árásum Hamasliða eru mjög harkaleg en ef maður skoðar stöðuna þá hafa Ísraelar i raun ekki efni á því að taka á Hamas með hófsemd enda myndi slíkt senda hættuleg skilaboð til nágranna Ísraels sem flestir ef ekki allir eru óvinir þess.

Þar að auki þá dreg ég í efa að nokkurt Vestrænt ríki myndi svara öðruvísi fyrir sig ef það væri í sömu stöðu og Ísrael.

Smá dæmi:

Ímyndum okkur bara að sem dæmi að smáríkið Andorra myndi allt í einu hefja eldflaugaárásir Frakkland, með tíðni sem væri cirka 20 eldflaugar á dag að meðaltali. Ofan á það fara hefja aðilar á vegum stjórnvalda í Andorra skæruhernað gegn Frakklandi sem gengur aðallega út á það að drepa sem flesta óbreytta borgara í sjálfsmorðsárásum.

Skæruliðaher Andorra tæki síðan þá ákvörðun að það væri sniðugra fyrir skæruliða að ganga um í venjulegum fötum í stað þess að notast við staðlaða herbúninga enda myndu slíkir búningar aðeins auðvelda frönskum hermönnum að greina skæruliða frá óbreyttum borgurum. Einnig tekur skæruliðaherinn þá ákvörðun að ekki sé sniðugt að halda úti herstöðvum enda myndi slíkt líkt og herbúningar auðvelda óvininum að greina skæruliða frá óbreyttum borgurum, þess í stað ákveða skæruliðarnir að notast við fjölmennar og opinberar byggingar á borð við leikskóla, sjúkrahús og skóla til þess skipuleggja sjálfsmorðsárásir og framkvæma eldflaugaárasir.

Nú spyr ég síðan hvernig heldur fólk að Frakkland, sem er NATO ríki með 558 þúsund manna her og 350 kjarnorkuvopn, muni bregðast viið árás á borð við þá sem lýst er hér að ofan?

[Sara E Matuszak (IP-tala skráð) 16.1.2009 kl. 16:35]

Ég er sammála. Orðin þreytt á þessum einhliða fréttaflutningi.. Og ef maður vogar sér að líta aðeins á málin frá báðum hliðum þá er maður fordæmdur sem Palestínuhatari. Alveg með ólíkindum.. Og Hafsteinn þetta er gott dæmi með Frakkland.. Hérna í USA notaði ein fréttastofan sem dæmi San Diego og Mexíkó.

[toggi (IP-tala skráð) 16.1.2009 kl. 16:50]

 "From 2001 when the missile attacks started until 27 April 2008, 13 Israelis were killed by Qassam rockets."

 Þetta réttlætir kannski ekki alveg að myrða 1000 palestinumenn.

Tökum annað dæmi:

IRA, þeir voru duglegir að fremja mannskæðar hryðjuverka árásir. 

Hefðu bretar bara átt að varpa sprengjur á öll svæði þar sem katholikar bjuggu?

[Saemundur (IP-tala skráð) 16.1.2009 kl. 16:56]

Það er greinilegt að stuðningsmenn Terroristastjórnarinnar í Ísrael hérna eru ekki með minni á við þokkalegan gullfisk.  Hamas samtökin stóðu við sína hlið á vopnahléssamningi sem var komið á með tilstilli Egypta við Ísrael og engu flugskeyti var skotið og engar sjálfsmorðsárásir voru gerðar á meðan þessu vopnahléi stóð.  Önnur skilyrði þessa vopnahlés stóðu Hamas einnig við. 

 Á meðan efndi Terroristastjórnin í Ísrael ENGIN skilyrði sem voru í þessu vopnahléssamkomulagi, ekki var opnað fyrir samgöngur, ekki var opnað fyrir viðskipti og flutninga, Ísraelar héldu áfram að traðka á mannréttindum Palestínumanna með vopnavaldi og svo framvegis.  Þetta gekk á meðan Hamas virti vopnahléið.

Síðast en ekki síst er það helber lygi sem Ísraelar hafa skýlt sér bak við að Hamas hafi á endanum rofið vopnahléið með flugskeytaárásum heldur voru það herflugvélar Terroristastjórnarinnar í Ísrael sem gerðu fyrstu árásina og rufu vopnahléið.  CNN birti frétt um þetta sem var fljótt dregin til baka vegna þess að hún hugnaðist ekki "ákveðnum aðilum".  Þetta eru staðreyndir.

[Ólafur Björn Ólafsson, 16.1.2009 kl. 17:44]

Nú verður mér líklega hent út af blogginu

Staðreyndin er sú að ég er sammála Sæmundi hér að ofan.

En ástæðan fyrir því að mér yrði hent út er líklega sú að ég á það til að bera samann Nasista 3ja ríkisins við Ísraela.

Þegar þjóðverjar gerðu innrásina í Pólland þá var Himmler "hænsnabóndi" búinn að gera áróðurs og hjálparáætlun til að friða vesturlönd fyrir væntanlega innrás http://en.wikipedia.org/wiki/Operation_Himmler

Ísraelar voru líka búnir að undirbúa þetta árásar og "útrímingarstríð" hvað einhverjum 18 mánuðum áður en lætin byrjuðu.

Ég er ekki að reyna að segja að Hamas liðar séu barnanna bestir en í stríði þá hverfa margar dyggðir fljótt hjá báðum aðiljum.

Svo er það yfirleitt þannig hjá stríðandi fylkingum að sigurvegarinn er ekki glæpamaðurinn (hæpið í þessu tilfelli).

Ísraelar hafa í lengstu lög reynt allt til að þurfa ekki að standa við friðarsamninga, það er staðreynd sem ekki er hægt að horfa framhjá.

Góða helgi.

Kaldi

[Gestur (IP-tala skráð) 16.1.2009 kl. 18:01]

Það er þess virði að horfa á heimildarmyndina "The Israel Lobby". Hún útskýrir margt: http://video.google.com/videoplay?docid=2894821400057137878

[Páll Jónsson, 16.1.2009 kl. 18:38]

Alltaf vinsælt hér á blogginu að benda á hlægilega ömurlegar heimildarmyndir og segja þær "útskýra margt" (What the Bleep Do We Know, Zeitgeist, Loose Change etc.).

En þessi mynd gæti svo sem verið undantekningin, hvað veit ég.