Siðferðisvitund Viðskiptaráðs á hrakhólum ?

Samkvæmt frétt Ríkisútvarpsins dags. 30.01.2009 færði Erlendur Hjaltason formaður viðskiptaráðs húseign sína yfir á eiginkonuna um það leyti sem bankarnir voru að falla.

Í dag sendir viðskiptaráð út frétt um ,,Bætt stjórnsýsla eykur traust". Ef ég er að skilja þetta rétt að um sé að ræða sama mann og situr sem formaður Viðskiptaráðs og sá sem einnig boðar bætt siðferði í stjórnsýslu og hjá fyrirtækjum landsins þá er ég alveg orðlaus af hneykslan. Í mínum huga er sá verknaður að koma undan eignum alvarlegur siðferðisbrestur og á skjön við viðurkennda samfélagslega hegðun. Persónulega set ég menn undir sama hatt sem stela peningum, stela undan skatti og forða eignum til þess eins að þurfa ekki að standa skil á samfélagslegri ábyrgð. Þetta eru manngerðirnar sem flýja af vettvangi ef þeir keyra á bíl á bílastæði.

Ef ég væri formaður viðskiptaráðs myndi ég gera hreint fyrir mínum dyrum. Útskýra fyrir fólkinu í landinu, meðstjórnendum í stjórn viðskiptaráðs og aðildarfyrirtækjum hvort sú ákvörðun hafi verið tekin að forða húsinu frá mögulegri skattheimtu eða ábyrgð á persónulegm gerðum.

Ef það reynist rétt að formaður viðskiptaráðs hafi forðað eignum til þess eins að þurfa ekki að standa skil á eigin gjörðum ber honum að mínu áliti að víkja tafarlaust úr embætti formanns viðskiptaráðs.

Hann ætti jafnframt að biðjast afsökunar á gjörðum sínum. Þá og ekki fyrr getur hann tekið þátt í mótun nýs samfélags sem gerir þá kröfu að koma heiðarlega fram. Það væri dæmi um bætta stjórnsýslu sem myndi auka traust eins og viðskiptaráð boðar í dag.

Stjórn viðskiptaráðs:
http://www.vi.is/um-vi/stjorn/ 

Frétt RUV
http://www.ruv.is/heim/frettir/frett/store64/item248587/ 

Bætt stjórnsýsla eykur traust

Athugasemdir

[Jóhann Gunn (IP-tala skráð) 13.2.2009 kl. 12:09]

Þeir bera vitið í lekum fötum meðan þeir agnúast yfir flís í auga bróður síns en gæta ekki að drumbinum í sínu eigin.  Siðblindur maður vill leiða hughaltann. Flækingurinn hlær að rónanum og vill leggja honum lífsreglurnar.

En burt séð frá djúpri speki þá er þetta eins og að míga í stofunni.

[Þráinn Kristinsson (IP-tala skráð) 13.2.2009 kl. 20:41]

Það er leitt og ljótt en verður að segjast:

Hegðun formanns Viðskiptaráðs endurspeglar siðferðið í íslensku viðskiptalífi. Þetta er nánast rotið í gegn.

Fyrstu vikurnar eftir hrunið vonaði maður að þetta væru efnahagslegar hamfarir sem við gætum unnið okkur upp úr en með hverjum deginu verður ljósara að kerfið eins og það leggur sig er ónýtt og elítan sem stjórnar virðist vera hættulega siðlausir einstaklingar í blandi við aula.

[Auðun Gíslason, 13.2.2009 kl. 20:42]

Frábær færsla!  Með eindæmum siðspillt yfirstétt sem við þurfum að losna við

[j.a. (IP-tala skráð) 13.2.2009 kl. 22:14]

Það er þetta fólk sem ég segi að gangi örna sinna á þröskuldinn heima hjá sér.

(sama merking og þegar verkfræðingar pissa á móti vindi)