Siðferðisvitund Viðskiptaráðs á hrakhólum ?

Samkvæmt frétt Ríkisútvarpsins dags. 30.01.2009 færði Erlendur Hjaltason formaður viðskiptaráðs húseign sína yfir á eiginkonuna um það leyti sem bankarnir voru að falla.

Í dag sendir viðskiptaráð út frétt um ,,Bætt stjórnsýsla eykur traust". Ef ég er að skilja þetta rétt að um sé að ræða sama mann og situr sem formaður Viðskiptaráðs og sá sem einnig boðar bætt siðferði í stjórnsýslu og hjá fyrirtækjum landsins þá er ég alveg orðlaus af hneykslan. Í mínum huga er sá verknaður að koma undan eignum alvarlegur siðferðisbrestur og á skjön við viðurkennda samfélagslega hegðun. Persónulega set ég menn undir sama hatt sem stela peningum, stela undan skatti og forða eignum til þess eins að þurfa ekki að standa skil á samfélagslegri ábyrgð. Þetta eru manngerðirnar sem flýja af vettvangi ef þeir keyra á bíl á bílastæði.

Ef ég væri formaður viðskiptaráðs myndi ég gera hreint fyrir mínum dyrum. Útskýra fyrir fólkinu í landinu, meðstjórnendum í stjórn viðskiptaráðs og aðildarfyrirtækjum hvort sú ákvörðun hafi verið tekin að forða húsinu frá mögulegri skattheimtu eða ábyrgð á persónulegm gerðum.

Ef það reynist rétt að formaður viðskiptaráðs hafi forðað eignum til þess eins að þurfa ekki að standa skil á eigin gjörðum ber honum að mínu áliti að víkja tafarlaust úr embætti formanns viðskiptaráðs.

Hann ætti jafnframt að biðjast afsökunar á gjörðum sínum. Þá og ekki fyrr getur hann tekið þátt í mótun nýs samfélags sem gerir þá kröfu að koma heiðarlega fram. Það væri dæmi um bætta stjórnsýslu sem myndi auka traust eins og viðskiptaráð boðar í dag.

Stjórn viðskiptaráðs:
http://www.vi.is/um-vi/stjorn/ 

Frétt RUV
http://www.ruv.is/heim/frettir/frett/store64/item248587/ 

Bætt stjórnsýsla eykur traust

Tekin í miðri stofu - smásaga dagsins

Den gode historien

Det var en ettermiddag, midt  på sommeren, en gammel kamerat fra skolen ringte meg og inviterte meg til en kaffe.  Vi vokste opp i samme nabolag som gutter og hadde ikke truffet hverandre på mange år før vi tilfeldig traff hverandre i butikken. Vi fant ut at det var på tide å treffes over en kaffe og mimre litt om gamle dager. I det nabolaget hvor vi vokste opp var der gamle hus med store hager med tre, lava, store stein og bakke. Dette området var lekeplassen vår hvor vi kjente hvert eneste tre og hver eneste stein. Dette området var et eventyrland i barndomsminnet.

Det var ca 10-15 min gå avstand til hvor han bodde så jeg bestemte meg for å gå. Været var godt og hvor jeg gikk forbi de gamle husene begynte jeg å mimre  om de gode gamle dager, hvor alle barna i nabolaget kjente hverandre. Vi var ute etter skolen hvor vi opplevde eventyrene i hagene hvor katter mjauet og fuglene sang. Trærne syntes jeg var blitt mye høyere en for 30 år siden og mange hadde bygget veranda og høye gjerder rundt husene for å få mere fred fra vind og andre forstyrrelser.

Når jeg var akkurat i midten av nabolaget, hadde kanskje gått ca 10 minutter husket jeg at det var en snarvei gjennom to tre hager får så å komme seg på den andre siden av nabolaget. Da slapp man å gå hele veien... og jeg tenkte..humm om jeg er 40 år gammel eller 10 år så er det sikkert i orden at jeg gjør som i gamle dager og går gjennom den hagen... er ikke det i orden tenkte jeg.. og jeg slo til. Jeg så meg litt rundt og hoppet med et smil fra fortauet, over et lite gjerd, opp en liten haug og å da husket jeg at denne snarveien var veldig populær når jeg var ung. Jeg følte meg ung igjen, gikk gjennom den hagen og til slutt måtte jeg gå langs en vegg, hoppe over den og under et tre og til slutt gjennom et hull på en vegg som var fortsatt der etter 30 år.

Plutselig fant jeg ut, men litt for seint at jeg var ikke 10 år gammel lenger, forde mens jeg gikk oppe på vegge falt jeg ned i hagen ved siden av.

Rundt hagen var nesten 2 meters gjerde som jeg syntes var ikke kun bygget får å få mindre vind og forstyrrelse fra naboene men også til å holde en svær hund inne i hagen. Jeg prøvde å finne en vei ut med engang men det visste seg at eneste veien ut var gjennom huset og ut på gaten. Nå var det om å gjøre å tenke raskt. Hvis dette var tilfellet at gjerdet var så høyt for å holde en stor bykkje inne måtte jeg bestemme meg om å rope på hjelp, banke på døren eller... det som jeg gjorde uten å tenke var rett og slett å åpne døren til huset og uten varsel gikk jeg inn,  kannske forde jeg trodde ingen var hjemme..og om få meter kunne jeg gå gjennom huset og ut på den andre siden.

Plutselig hører jeg et lyd, hvor jeg står der inne i stuen som en tyve. Jeg var ikke dere helt alene. Jeg trodde lyden kom fra stakkars bikkjen.. nei dette hørtes ut som en gammel mann som snorket som en gammel båt. Jeg snudde og gikk tilbake... men når jeg tok tre skritt tilbake.. .åpnet utedøren og inn gikk en dame i 30 årene og ropte... HVA I ALL VERDEN DRIVER DU MED, HVA ER DET DU GJØR INNE I MITT HUS!

Jeg frøs, denne damen hadde jeg aldri sett før men hun kjente meg sikkert, jeg som var medlem af bystyret i byen. Ops.. hva gjør jeg nå tenkte jeg. Skal jeg prøve å forklare for henne at jeg er på vei i for å ta en kaffe hos en gammel kamerat på skolen og tok en snarvei gjennom hagen hennes, falt ned og prøvde å komme meg ut igjen, uten å banke på døren... fy faen, dette var vanskelig å forklare ....

 

Bergur Olafsson

 

Einhliða fréttaflutningur MBL - Gyðingar og Palestínumenn

Það er næstum því óþolandi að hlusta á fréttir sem eru einhliða og birtar gagnrýnislaust í blöðum.

Það er að sjálfsögðu ekki neitt sem réttlætir morð á fólki, sér í lagi er óhugnanlegt þegar saklaus börn eru drepin. Þá hegðun fordæmi ég afdráttarlaust.

Hins vegar geri ég athugasemd við alvarlega villu í meðfylgjandi frétt og dæmigerða stríðslýgi Amal Tamini sem tjáir sig sem fulltrúa Palestínumanna á Íslandi.

Hún segir meðal annars: ,,Ísraelar vilja útrýma Palestínsku þjóðinni." Þetta er ekki rökstudd fullyrðing og á sér ekki heimild í neinni yfirlýsingu Ísraela. þetta er í mesta lagi fullyrðing byggð á tilfinningum í miðju stríði. Það sem er hins vegar staðreynd er að sá pólitíski flokkur manna sem réttilega var kosinn í lýðræðislegum kosningum í Palestínu hafði það lengi vel efst á stefnuskrá sinni að útrýma Ísraelsmönnum. Það er heldur ekki tekið fram að þessi sömu aðilar sem Amal Tamini er að verja hafa stundað það í langan tíma að senda sprengjuflaugar inn í Ísrael og drepið og slasað fjölda manns. Þessi samtök er Amal Tamini að verja.

Mín skoðun er sú að bæði Ísraelsmenn og Palestínumenn hafi framið stríðsglæpi sem ber að fordæma. Yfirburða vopnavald Ísraela gerir það að verkum að menn eiga auðveldara með að taka afstöðu með Palestínumönnum. 

 Morgunblaðið ætti að sjá sóma sinn í að birta ekki einhliða órökstuddar fréttir, byggðar á dylgjum og tilfinningasemi. Það hefur sýnt sig um víða veröld undanfarna daga að rasismi og ofbeldi hefur aukist, sérstaklega á vesturlöndum, að hluta til vegna einhliða fréttaflutnings af þessu óafsakanlega stríði.

 

Vilja útrýma Palestínumönnum

Góður árangur

Einn daginn kemur ellefu ára drengur heim úr skólanum nokkuð afslappaður og rólegur en samt var einhver spenna og dulúð yfir honum. Faðir hans tekur eftir þessu og spyr hvernig dagurinn hafi verið, jú jú. hann var ágætur segir sá stutti, allt í góðu?, jájá endurtekur hann. Faðir hans man eftir að hann hafi verið í erfiðu prófi nokkrum dögum áður og spyr hann hvernig hafi gengið í prófinu, jújú segir sá stutti, ég fékk 10.. jáhá segir faðir hans stoltur.. það er gott að heyra og var upp með sér af ánægju því hann vissi að prófið hafði verið erfitt raungreinapróf.. hann spyr því af forvitni til að vera viss um að þetta hafi nú ekki verið gefins einkunn hvernig öðrum í bekknum hafi gengið, hve margir aðrir hafi fengið 10 ?.. tja..jú einn annar.. hann er náttúrulega bara nörd og veit allt, rosalega klár.. en aðrir fengu eitthvað minna. Sá stutti var ekki að gera sig breiðan yfir sinni einkunn heldur dáðist að þeim sem fékk 10, velti sér ekki uppúr því að hann hafði sjálfur gert jafn vel og sá besti í bekknum. Eftir á að hyggja velti faðir hans fyrir sér hvort sá stutti hefði ekki mátt vera ánægðari með eigin ágæti, hvort eðlilegt væri að sá stutti gerði lítið úr eigin árangri en meira úr árangri annarra. Kannski var þetta bara þroskað viðhorf hjá þeim stutta. Faðir hans var allavega miklu ánægðari með árangurinn en sá sem vann fyrir sigrinum.

Eygló er harðdugleg og skynsöm

Af þeim störfum sem ég hef kynnst Eygló vinna af samviskusemi, skynsemi og dugnaði er ég viss um að hún mun standa sig vel inná þingi. Þó hún tilheyri þessum arfavitlausa flokk sem Framsókn er og hefur verið þá er það eina von Framsóknar að hennar líkar taki við og fái það traust og umboð til að vinna að hag heildarinnar. Hún má ekki falla í gryfju Sivjar og verða sleikipinni stóru strákanna til að halda völdum, hún verður að fylgja sannfæringu sinni fyrir betri heim og gefa engan afslátt af góðum verkum. Velkomin til nýrra starfa Eygló og gangi þér allt í haginn.

Eygló tekur sæti á þingi

Guðni leiðir vonandi lestina

Kæri Guðni,  þú ert maður að meiri að stíga til hliðar. Þetta heitir að finna sinn vitjunatíma. Það eru mjög margir kollegar þínir inná þingi, jafnt þingmenn sem ráðherrar sem ættu að fylgja þér eftir í halarófu út úr þingsal til þess að hleypa að ferskri, áreiðanlegri og kraftmikilli kynslóð sem er tilbúin til að byggja upp nýtt Ísland með nýju gildismati. Tími er komin til að þeir sem bera ábyrgð á hruni Íslands taki pokann sinn þannig að við hin getum byggt upp land fyrir börnin okkar. Gangi þér vel í þeim störfum sem þú tekur þér fyrir hendur. Reynsla þín mun örugglega koma að góðum notum.

Guðni segir af sér þingmennsku

Beittu innherjar Kaupþings þvingunum við stjórn?

Samkvæmt orðum Gunnar Páls Pálssonar í fjölmiðlum í gær, segist hann hafa neyðst til að fella niður þessar skuldir, m.a vegna þess að ef stjórnendur hefðu selt hluti sína hefði orðið verðfall í bankanum. Þá spyr ég: höfðu æðstu stjórnendur bankans í hótunum við stjórn um að selja ef þeir fengju ekki felldar niður ábyrgðir ?. Ef innherjar og stjórnendur hafa ekki hótað þessu þá var engin ástæða til að fella niður þessar ábyrgðir en ef það er raunin að æðstu stjórnendur bankans hafi hótað stjórn að selja verði þeir ekki við kröfum þeirra er spurning hvort þeir hafi ekki beitt bankann fjárkúgunum til að ná fram vilja sínum ? Ef þetta eru vinnubrögð innherja og æðstu stjórnenda bankans er orðið siðferði búið að tapa verðgildi sínu, allavega hjá stjórnendum Kaupþings.

Ef það er einnig staðreynd að Gunnar Páll hafi einnig átt hlutabréf í bankanum fyrir verulegar upphæðir  er líklegt að hann hafi fyrst og fremst verið að vernda sína persónulegu hagi, þvs gengi og verðmæti sinna hlutabréfa en ekki hag hluthafa eða annarra viðskiptavina bankans.

Nýtur trausts stjórnar VR

Evran út úr skápnum í Valhöll

Það er mikið gleðiefni að eftir að Hafnfirðingurinn Þorgerður Katrín opnaði loksins fyrir umræðu um upptöku Evru og inngöngu í ESB, hafa menn innan Flokksins loksins þorað að fjalla um málið á opinberum vettvangi. Sá síðasti er Árni Helgason framkvæmdastjóri þingflokksins sem þorir loksins að rita áhugaverða grein í Deiglunni um málefnið. http://www.deiglan.com/index.php?itemid=12294
Hingað til hefur umræðunni verið stýrt af formanni Flokksins sem hefur kveðið umræðuna niður með harðri hendi svo mánuðum og árum skiptir. Það var ekki fyrr en Flokkurinn náði að skrapa botninn í skoðanakönnunum og landið orðið gjaldþrota að Þorgerður Katrín stóð fram og sagði skoðun sína. Nú fylgja fleiri í kjölfarið og er það vel. Fyrir ,,kreppu" er ég viss um að skoðanir framkvæmdastjórans hefðu verið brottrekstrarsök.
Því miður hefur það hingað til verið litið afar alvarlegum augum ef einstaka flokksmeðlimir deila skoðun í andstöðu við formanninn. Á það sérstaklega við hér í Hafnarfirði þar sem ,,forystumaður" flokksins hefur ekki viljað ræða um hvort stækka eigi álverið innan flokks heldur hefur hann líkt og formaður Flokksins stýrt umræðunni með skipunum Stjórnandans í stað þess að vera í hlutverki Leiðtogans. Á því er mikill munur. Nýja Ísland er greinilega að  vekja fólk af þyrnirósasvefni á mörgum (skoðana) vígstöðvum.

Þór Sigfússon nýr forsætisráðherra Sjálfstæðisflokksins ?

Það er afar ánægjulegt og jákvætt að hlýða á Þór Sigfússon brýna menn til góðra verka og benda mönnum á ljósið meðan aðrir sjá skugga.
Hann er án vafa boðberi nýrra tíma í samfélaginu, fulltrúi nýrrar kynslóðar og er sennilega með hæfustu einstaklingum sjálfstæðisflokksins til að koma þjóðfélaginu og einnig sínum gamla flokk úr viðjum hugarfars gamla tímans. Bæði Flokkurinn og þjóðin þarf leiðtoga sem bæði nýtur virðingar, sér möguleikana við þá stöðu sem við erum í og hefur þá þekkingu og reynslu sem Leiðtogi þarf á að halda. Við þurfum nýjan leiðtoga sem hefur ekki þvergirðingshátt heldur opin huga að leiðarljósi og mann sem getur verkstýrt góðu fólki til sjávar og sveita upp úr öldudalnum. Ég er sannfærður um að hann gæfi þjóðinni jafn mikla von um jákvæðar breytingar og Obama gefur heimsbyggðinni með því að taka að sér að stýra nýrri ríkisstjórn.

Mikilvægt að hugsa hlutina upp á nýtt

Stöðvast framkvæmdir í Helguvík ?

Samkvæmt frétt Centrury Aluminium má ætla að þeir hafi ákveðið að stöðva allar nýjar skuldbindingar vegna verkefnisins og lækka kostnað vegna þessa. Þýðir það að verkið stöðvast alveg, verða þeir verkáfangar sem byrjað er á kláraðir og síðan séð til með framhaldið eða ætla þeir að klára að byggja verksmiðjuna samkvæmt þeirri fjárhagsáætlun sem liggur fyrir en með lækkuðum kostnaði á einhvern hátt. Hvernig ætla þeir að lækka kostnað, fóru þeir ekki af stað með verkefnið eins hagkvæmt og mögulegt er ?

Ef þessi ákvörðun um seinkun er raunveruleg er líklegt að það hafi áhrif á allar hliðarframkvæmdir s.s öflun raforku og fjárfestingu í orkumannvirkjum. Það liggur ekki eins mikið á að leggja nýja háspennulínu í gegnum öll sveitarfélögin á leiðinni. kannski verður töfin það löng að lagning rafmagns verður orðin hagkvæm neðanjarðar.

Það vakna ýmsar spurningar vegna þessara ummæla stjórnenda fyrirtækisins sem þeir verða að útskýra til að eyða óvissu hjá hundruðum manna er koma að verkinu.

Þetta stendur í tilkynningu þeirra: ,,...we have ceased making any new capital commitments and are reducing project spending"

 

Fer yfir áform um Helguvík